قبل مبدا في كلامي الولي فيه ابتديت
::::::::::::::::::::::::عالم غيب النفوس وعالمٍٍ باللي يصير
وعظم الله اجركم ياهل الوفااهل الكويت
:::::::::::::::::::::::::في وفاة ابو مبارك عاهل العز الامير
شيخنا اللي له على والطولات والميقاف صيت
:::::::::::::::::::::::::من تبنى للارامل والكبير مع الصغير
يابو مبارك لعلك فاللحد يوم استويت
::::::::::::::::::::::::ويالعله في جنان الخلد مثواك الاخير
انت فضلك بالوفا في كل دار وكل بيت
:::::::::::::::::::::وانت ابو الايتام وابو الرمل والوجه المنير
في حياتك للوفا والطيب والنخوه سعيت
:::::::::::::::::وفي حياتك مجتهد بين العرب في كل خير
وللوفا والحب والطيب في شعبك بنيت
:::::::::::::::::::وكم كفلت من اليتاما وغيرها الشيٍٍ كثير
راضيآ شعبك عليك وبالوفا عنهم رضيت
:::::::::::::::::::::::::والمره تبكيك والطفل والكهل الكبير
للكرم والفخر والعز والطيب اعتليت
:::::::::::::::::::::::جابر الخيرات والعز جابرالعظم الكسير
مانلومك يامواطن لو حزنت ولو بكيت
::::::::::::::::::::::::حزنت لجله شعوبٍٍ تذرف الدمع الغزير

وايضا للشاعر فالح الهاجري نزف ويقول

الصباح اللي انـــزوت شمسه بحضن الغروب
والظــــلام اللي سبق وقــته وجـاب الغـياب

والمطر دمـــع السما والبكـا عصف الهـبـوب
والجهات الاربع استـــوطــنت قلــب الضباب

والوطـــن ماعـــــاد له لا شمال ولا جـنـوب
وين ما لقــّيت وجـهك يـمـسـيــّـــك العذاب

لـيـتها فـ ابـريل كــذبــه نحـمـلـّها الكذوب
او دعاية مـغـرض ٍ حــاد عن درب الصـواب

مات جابر ؟ ماتت شعوب وانهارت شعوب
ماتـبي حسبه على اللي يعرفون الحساب

من بياض ايديه سـار الكرم في كل صوب
من غزارة غيث جوده خجل غيث السحاب

مات جابر ؟ ماتت قلوب وانكسرت قلوب
واه يا هــول الفـجيـعــه ويا كبر المصاب

العظيم اللي عـجـز يحتوي مجـده اسلوب
والحكيم اللي عـجـز يحتوي فكره كتاب

مات جابر ؟ ماتت دروب وانقطعت دروب
ما بقى الاّ درب يـبـدى ويـرجع للخـراب

جابر الديـره من كسـور خـلاّن الجـيوب
من شموخه ما بقـى ناب للّي فيـه ناب

يا الله انـّك ترفـعه فوق عن كل الذنوب
يا الله انـّك في جنابك تزيـّن له جـنـاب

عبدك اللي فـ الخفا كم قضى للدين نـوب
كم دفـع لـلـشر بـاب وفـتـح للخير باب

دعوة اللي يقضي الفرض ولوجهك يتـوب
وانت تقـبل دعوة اللي دعى بامّ الكـتاب

وان لبسنا من سواد الحزن تسعين ثوب
او بكـينا لـيـن من دمعــنا يفيض التراب

إن رثـيـناه الدهـر ما كفيـناه الخـطوب
وان بكيـناه الدهـر ما وفـيـنـاه الثـواب

وهذا غيض من فيض

فكم من شاعر انزفت هذه الصدمه فاختلجت الكلمات بصدره وارتجلت

ولكن

اردت ان اوجز

لانه كما اسلفت

تعجز الكلمات عن الكلام

ودمتم